لاہور میں دوسری بین الاقوامی باکسنگ چیمپئن شپ کا باقاعدہ آغازہو گیا۔
عالمی سطح کی یہ چیمپئن شپ ورلڈ باکسنگ ایسوسی ایشن کے تعاون سے منعقد کی جا رہی ہے،باکسنگ چیمپئن شپ پاک فوج، حکومت پنجاب اور فوجی فرٹیلائزرز کے باہمی اشتراک سے منعقد کی جائے گی جبکہ اہم فائیٹ فار گلوری چیمپئن شپ جناح سپورٹس کمپلیکس لاہور گیریژن میں کھیلی جائے گی۔
ایونٹ میں 15 ممالک کے 44 پروفیشنل باکسرز بھرپور حصہ لے رہے ہیں جس میں 6 پاکستانی اور 38 بین الاقوامی باکسرز مختلف ٹائٹلز کیلئے ایکشن میں دکھائی دیں گے۔
امریکا، برطانیہ، جرمنی، کوریا، آسٹریلیا، آئرلینڈ، فلپائن اور نیدرلینڈز سمیت متعدد ممالک کے باکسرز کی پاکستان آمد کا سلسلہ جاری ہے جبکہ دیگر ممالک کے باکسرز، آفیشلز اور ورلڈ باکسنگ ایسوسی ایشن کے نمائندگان بھی ایونٹ میں شرکت کریں گے۔
غیر ملکی کھلاڑیوں کا پاکستان آمد پر خوشی کا اظہار، پاکستانی باکسرز کی عالمی کارکردگی کی بھرپور پذیرائی کی گئی ہے، بین الاقوامی باکسنگ چیمپئن شپ کا انعقاد ملک میں کھیلوں کے فروغ کیلئے احسن اقدام ہے۔
