پاکستان ایتھلیٹکس کیلئے بڑا جھٹکا، قومی ایتھلیٹ ارشد ندیم فٹنس مسائل کے باعث ڈائمنڈ لیگ سے باہر ہوگئے، ارشد ندیم کے ڈاکٹر نے ان کو ڈائمنڈ لیگ میں حصہ لینے سے منع کر دیا۔
ارشد ندیم کا بحالی پروگرام انگلینڈ میں جاری ہے، ارشدندیم نے اپنی ٹانگ پر وزن ڈالنا شروع کر دیا ہے۔
ڈاکٹر علی شیر باجوہ نے انگلینڈ کیمبرج میں ارشد ندیم کی سرجری کی تھی، سرجری کے بعد ارشد ندیم کا بحالی پروگرام انگلینڈ میں ہی جاری ہے۔
ڈاکٹرز کا کہنا ہے کہ ارشدندیم کی حالیہ انجری بالکل نئی اور سنجیدہ نوعیت کی ہے، قومی ایتھلیٹ کی ورلڈ ایتھلیٹکس میں شرکت بھی ان کے بحالی پروگرام سے مشروط ہے، ارشد ندیم کا بحالی پروگرام مکمل ہونے پر ہی ان کی ورلڈ ایتھلیٹکس چیمپئن شپ میں شرکت کا فیصلہ کیا جائے گا۔
دوسری جانب قومی ایتھلیٹ گولڈ میڈلسٹ ارشد ندیم جلد صحت یابی کے لئے پر امید ہیں۔
