اسلام آباد : پاکستان کے لیے بڑی خوشخبری، ورلڈ بینک نے 20 ارب ڈالر کا رعایتی قرض فراہم کرنے کا اعلان کر دیا۔
تفصیلات کے مطابق ورلڈ بینک کی جانب سے ملنے والا یہ تاریخی پیکج صحت، تعلیم، ماحولیاتی تحفظ، غربت میں کمی، صاف توانائی کے منصوبوں اور نجی سرمایہ کاری کو فروغ دینے پر خرچ کیا جائے گا۔
حالیہ فنڈنگ کی تفصیلات:
ورلڈ بینک نے 2025 میں پاکستان کے لیے کئی منصوبوں کے لیے فنڈنگ کی منظوری دی ہے،
پنجاب میں تعلیم: ورلڈ بینک نے پنجاب میں ابتدائی تعلیم کو بہتر بنانے کے لیے 47.9 ملین ڈالر کی گرانٹ منظور کی۔
مائیکرو فنانس: بینک نے پاکستان کے مائیکرو فنانس سیکٹر کو سہارا دینے کے لیے 102 ملین ڈالر کی فنانسنگ کی منظوری دی۔
توانائی اور مواصلات: بجلی کی تقسیم میں بہتری اور سیلاب کی مزاحمت سے متعلق کئی منصوبوں کے لیے فنڈز کی منظوری دی گئی۔
بلوچستان میں تعلیم: بلوچستان میں تعلیم کے منصوبوں کے لیے 100 ملین ڈالر کی رقم منظور کی گئی۔
ماہرین کے مطابق اس رعایتی قرض سے نہ صرف ملکی معیشت کو سہارا ملے گا بلکہ بنیادی سہولیات کی فراہمی اور پائیدار ترقی کے اہداف حاصل کرنے میں بھی مدد ملے گی۔
معاشی تجزیہ کاروں کا کہنا ہے کہ ورلڈ بینک کا یہ اقدام پاکستان کے لیے نئے مواقع پیدا کرے گا اور ملک میں سرمایہ کاری کے بہتر ماحول کو فروغ ملے گا۔
