لاہور:پاکستان کرکٹ بورڈ (پی سی بی) نے افغانستان اور سری لنکا کے ساتھ سہ ملکی ٹی 20 سیریز کرانے کا اعلان کر دیا۔
پاکستان پہلی بار سہ ملکی ٹی 20 سیریز کی میزبانی کرے گا جو 17 تا 29 نومبر راولپنڈی اور لاہور میں کھیلی جائے گی۔
سیریز کا پہلا میچ 17 نومبر کو پاکستان اور افغانستان کے درمیان راولپنڈی میں کھیلا جائے گا۔
جبکہ 19 نومبر کو سری لنکا اور افغانستان کا میچ بھی راولپنڈی میں شیڈول ہے۔
یہ افغانستان کا پاکستان میں پہلا ٹی 20 انٹرنیشنل میچ ہوگا۔
اس کے علاوہ 29 نومبر کو فائنل سمیت سیریز کے باقی تمام میچز لاہور کے قذافی سٹیڈیم میں کھیلے جائیں گے۔
پی سی بی کے چیف آپریٹنگ آفیسر سمیر احمد کا کہنا ہے کہ یہ سہ ملکی سیریز ٹی 20 ورلڈ کپ کی تیاری کا بہترین موقع ہوگی۔
