پاکستان کے ابھرتے ہوئے کک باکسنگ اسٹار آغا کلیم کی شاندار کامیابی پاکستان کے نوجوان کک باکسنگ اسٹار آغا کلیم نے ورلڈ پروفیشنل کک باکسنگ چیمپئن شپ میں اپنی بے مثال مہارت کا مظاہرہ کرتے ہوئے آذربائیجان کے ریوان موسییف کو محض 15 سیکنڈ میں ناک آؤٹ کر کے دنیا کو حیران کر دیا صوبہ بلوچستان کے شہر پشین کلی کربلا سے تعلق رکھنے والے 24 سالہ آغا کلیم نے مقابلے کے پہلے ہی راؤنڈ میں اپنی برتری ثابت کر کے یہ دکھا دیا کہ وہ عالمی سطح پر اپنی جگہ بنانے کے لیے مکمل طور پر تیار ہیں۔
یہ کامیابی اُن کے اُس شاندار سفر کا تسلسل ہے جس میں انہوں نے آئی ایف ایم اے ورلڈ موی تھائی چیمپئن شپ میں چاندی کا تمغہ جیت کر دنیا کی توجہ حاصل کی تھی۔
اس مقابلے میں، اگرچہ اُنہیں کروشیا کے فائٹر کے خلاف متنازع شکست کا سامنا کرنا پڑا اور ریفری پر جانبداری کے الزامات لگے، مگر آغا کلیم کے حوصلے اور عزم میں کوئی کمی نہ آئی آغا کلیم، جو اب کراچی کے علاقے بلدیہ ٹاؤن میں مقیم ہیں.
کا یہ متاثر کن سفر مشکلات سے بھرپور آغاز سے لے کر عالمی سطح پر کامیابی حاصل کرنے تک اُن کی انتھک محنت، غیر معمولی حوصلے اور ثابت قدمی کا مظہر ہے۔
ان کی یہ کامیابی نہ صرف پاکستان کے لیے باعثِ فخر ہے بلکہ نوجوانوں کے لیے ایک مثال بھی ہے کہ مستقل مزاجی اور لگن کے ساتھ ہر خواب پورا کیا جا سکتا ہے.
